AHI HAN MUTUK UMA IDA IHA POSTU LAGA

Baucau,03 Setembru 2024- Autoridade Protesaun Sivíl (APC) Munisipiu Baucau liuhusi Xefe Gabinete Jestaun Risku Dezastre Basilio Amaral hamutuk ho ekipa verifika nomós fornese pakote emerjénsia aihan no laos aihan ba vítima Luis Ximenes ne’ebé nia uma ahi han tamba kauza husi sirkuitu eletrisidade iha loron 03/09/2024, tuku 01:00 madrugada, iha Aldeia Iti-Daho, Suku Tequinomata, Postu Administrativu Laga, Munsípiu Baucau.

Tuir informasaun ne’ebé ekipa APC aeseu katak vítima toba dukur tiha hakfodak hadere ahi han tiha ona nia uma nune’e nia halai sai ba kuru be’e hodi rega hamate ahi maibé nia lakonsege hamate nune’e rezulta nia uma ahi han mutuk no sasan uma laran tomak.

Iha inséndiu ahi han ne’e la rezulta ema ruma lakon vida no kanek

Aliya Guterres Média APC Baucau