UMA IDA MOTUK KAUZA SIRKUITU ELETRISIDADE

Lautém, 3 Setembru 2024 – Komandu Operasional Autoridade Protesaun Sivíl (APC) Munisípiu Lautém, liuhusi Komandante Brigada I Korpu Bombeiros Lucas Xavier hamutuk ho ekipa halo intervensaun rápida hodi kombate ahi ne’ebé han uma, Emilia Valentim kauza husi sirkuitu eletrisidade iha loron 03/09/2024 tuku 08:58 Otl, iha Aldeia Ira’ara, Suku Fuiloro, Postu Administrativu Lospalos, Munsípiu Lautém.

Efeitu husi inséndiu ne’e rezulta uma hela vítima afetadu motuk inklui sasán uma-laran la-konsege salva, maibé laiha ema ruma lakon vida ka kanek.

Hafoin ida ne’e ekipa konjuntu kompostu; APC liuhusi Xefe Gabinete Munisipál Jestaun Risku Dezastre Olficânsio Palau Flores hamutuk ho ekipa parseiru CVTL-Filial Lospalos, dezloka kedan ba fatin akontesimentu hodi entrega sasán emerjénsia hanesan ‘ai-han no mós la’os ai-han’ ba vítima afetada.

Eddy, Média APC Lautém.