Baucau, 12 Setembru 2024- Autoridade Protesaun Sivíl (APC) Munisípiu Baucau liuhusi Xefe Gabinete Munisipál Jestaun Risku Dezastre Basilio Amaral ho funsionáriu tomak fó apoia pakote emerjénsia hanesan aihan no laos aihan ba vítima uma kain 3 ne’ebé sira nia uma hetan estragus kauza husi anin boot ne’ebé akontese iha loron 08/09/2024 iha Postu Administrativu Baucau Villa no Postu Administrativu Vemasse, Munisípiu Baucau.
Uma kain 3 ne’ebé verifika no hetan apoiu pakote emerjénsia maka Reinaldo da Costa husi Aldeia Cai-Obilale, Suku Caibada, José Marçal Correia husi Aldeia Lacoda, Suku Seical, Mario Mendes Freitas husi Aldeia Caidenulale, Suku Ossuala.
Tuir informasaun ne’ebé ekipa APC Baucau laiha ema ruma kanek no lakon vida maibé iha sasan uma laran vítima mak estragus.
Aliya Guterres Média APC Baucau