Lospalos, 17 Setembru 2024- Sua Exelénsia Prezidenti Autoridade Protesaun Sivíl Timor-Leste; Jesuino dos Reis Matos Carvalho ho komitiva hala’o sorumutuk dahuluk ho Sua-Exelénsia Prezidenti Autoridade Munisípiu Lautém; Mélio de Jesus iha edefísiu enkotru Administrasaun Munisípiu Lautém.
Prezidenti APC; Jesuino dos Reis Matos Carvalho hala’o audiénsia ho PAM Lautém hanesan parte ida atu aprezenta nia parte hanesan Prezidenti foun APC hafoin hetan fiar husi Nonu Governu Konstitusionál.
Iha sorin seluk Prezidenti Autoridade Munisípiu Lautém fó apresiasaun ba servisu APC nia iha Munisípiu Lautém ne’ebé ho liña koordenasaun mai di’ak liu hodi servi komunidade iha Munisípiu Lautém iha kualker situasaun emerjénsia ho enkontru ida ne’e sai espasu foun ne’ebé di’ak ba koordenasaun servisu entre APC no PAM Lautém liga ba asuntu dezastre no iha situasaun emerjénsia sira.
Ikus liu APC mós hato’o rekomendasaun ba PAM atu fornese rai ba APC hodi hari’I tan Postu Korpu Bombeiros iha Postu Administrativu Lore nune’e bele atende komunidade Lore sira ne’ebé hela dook husi sidade mais rápida bainhira hasoru dezastre ruma.
Sorumutu Prezidenti APC ho PAM Lautém akompaña husi Diretór Gabinete Planeamentu Estratéjiku no Asesoria; Paulo dos Santos Exposto, Diretór Gabinete Relasaun Externa no Komunikasaun ; Cesario da Silva Marques, Diretora Gabinete Inspensaun no Auditoria Inspetora; Odete Calado, Diretor Diresaun Nasionál Jestaun Rekursu; Virgilio dos Santos, Diretór Diresaun Nasionál Jestaun Risku Dezastre; Francisco Fátima da Cruz, Diretór Nasionál Bombeiros; Paul Aníbal Maia, Diretór Nasional ba Prevensaun no Mitigasaun; Carlos da Costa , Komandante Unidade Espesiál Protesaun Sivíl; Fernando da Costa no Komandante APC Munisípiu Lautém; José Agostinho DC. Pacheco.
Mateus Média APC-GREC.