Manatuto, 21 Setembru 2024- Autoridade Protesaun Sivíl (APC) Munisípiu Manatuto lidera husi Xefe Brigada Charly-Korpu Bombeiros Domingo Soares ho ekipa halo lavajen ba estrada públiku hodi rega mo’os ran fakar kauza husi asidenti motor iha oras tuku 4:35 dader ne’ebé rejulta vítima mate fatin iha área Humetak Hun, Suku Sau, Postu Administrativu Manatuto Vila, Munisípiu Manatuto.
To’o agora ekipa seidauk hatene klaru vítima asidenti nia identidade.
Hafoin ida ne’e ekipa APC-Korpu Bombeiros hetan kontaktu fali husi komandante PNTL eskuadra Postu Administrativu Manatuto Vila, ne’ebé informa iha inséndiu kiik impaktu husi vizitante sira halo vizita hodi sunu lilin bainhira halo orasaun iha santuario padroeiro St.Antonio nian, nune’e ekipa halo kedas intervensaun rápida hodi hamate kedas ahi refere.
Geny Média APC Manatuto.