APC HO AQUITIC DIVE RESORTS ASINA NOTA ENTENDIMENTU

Dili, 30 Setembru 2024

Marka tan pasu importante ida, Prezidente Autoridade Protesaun Sivil (APC), Jesuino dos Reis de Matos Carvalho asina nota entendimentu ho Gestor Kompania Aquitic Dive Resorts Lda, Desmond Tuck Meng Lee, ne’ebe asiste direitamente hosi Sua Exelensia Sekretariu Estadu Protesaun Sivil, Domingos Mariano Reis iha salaun APC, Kaikoli.

Ho establesimentu akordu nota entendimentu ida ne’e, parte Kompania Aquitic Dive Resorts sei tulun atu fo formasaun ka kapasitasaun ba membru Unidade Espesial Protesaun Sivil no Korpu Bombeiros iha area maritima liu-liu oinsa atu nani, buska no salvamentu iha tasi.