APC MANATUTO HALO LAVAJEN BA ESTRADA PÚBLIKU

Manatuto, 13 Outobru 2024, Autoridade Protesaun Sivíl (APC) Munisípiu Manatuto, liuhusi Korpu Bombiros lidera husi Brigada Alfa Domingos Timotio do Santos ho ekipa fase estrada iha Suku Ailili, Postu Administrativu Manatuto Villa, Munisípiu Manatuto.

Ekipa Korpu Bombeiros halo atividade fase estrada ne’e, bainhira ekipa simu kontaktu husi komunidade sira iha tuku 19:18 OTL.

Komunidade sira husu apoiu Bombeiros fase estrada ne’e, atu evita asidente tráfiku tamba ai-hali-musan ne’ebé monu barak iha estrada hodi halo estrada namdoras ka kois, nune’e difikulta tebes movimentasaun transposte públiku no privadu sira.

Bainhira simu informasaun husi komunidade sira, Komandante Korpu Bombeiros Munisípiu Manatuto Domiber T.D.N.M.Soares, orienta imediata ekipa Korpu Bombeiros hodi halo kedas atividade lavaJen ba iha estrada refere, hodi normaliza fali movimentasaun transporte sira.

Geny Média APC Manatuto