Viqueque, 16 Outubru 2024-Autoridade Protesaun Sivíl (APC) Munisipiu Viqueque liuhusi Xefe Gabinete Munispál Jestaun Rekoperasaun Clementino Alves no Xefe Gabinete Jestaun Risku Dezastre Eugenio Guterres halo verifikasaun ba uma ida ahi han iha Aldeia Uatulawa, Suku Ossorua, Postu Administrativu Ossu, Munisípiu Viqueque, ne’ebé akontese iha loron tersa-feira, dia 16 fulan Outubru tinan 2024 iha tuku 14:00 Otl.
Entertantu iha akontesementu ne’e Komandante Korpu Bombeiros Viqueque Amaro da Silva hamutuk ho Xefe Seksaun Brigada III Estevão da Costa hamutuk ho membru sira hala’o kedas intervensaun hodi hamate inséndiu refere hodi salva Jerónimo da Silva hamutuk ho nia familia nain sia (9) inklui sasan importante sira.
Hafoin intervensaun ekipa APC viqueque apoiu kedas pakote emerjénsia hanesan aihan no laos aihan nomós halo verifikasaun ba vítima afetada nia uma..
Justin Média APC Viqueque.