Lautém, 17 Outobru 2024 – Autoridade Protesaun Sivíl (APC) Munisípiu Lautém kontinua halo monitorizasaun ba vítima dezastre naturais no benefisiáriu sira ne’ebé hetan ona materiál rekuperasaun husi governu liuhusi APC Munisípiu Lautém iha tinan 2023.
Atividade monitorizasaun ne’e, ekipa servisu APC hala’o liuhusi Xefe Gabinete Munisipál Rekuperasaun; Florindo da Costa Neves, hamutuk servisu Gabinete Munsipál Jestaun Risku Dezastre iha Postu Administrativu Lautém kompostu husi suku rua (2) mak hanesan; Suku Maina-Segundu no Suku Baduro, ho totál benefisiáriu uma-kain ualu (8).
Tuir observasaun husi ekipa servisu APC, iha benefisiáriu xefe família uma-kain tolu (3) mak konsege finaliza konstrusaun uma hodi hela, entretantu iha uma-kain lima (5) mak sei iha hela prosesu konstrusaun nia laran. Durante monitorizasaun ne’e la’o akompaña husi autoridade lokál suku rua ne’e to’o remata.
Eddy, Média APC Lautém.