𝗨𝗠𝗔 𝟭𝟵 𝗘𝗦𝗧𝗥𝗔𝗚𝗨𝗦 𝗞𝗔𝗨𝗭𝗔 𝗛𝗢𝗦𝗜 𝗔𝗡𝗜𝗡 𝗦𝗢𝗕𝗨 𝗡𝗢 𝗔𝗛𝗜 𝗛𝗔𝗡

𝗗𝗶𝗹𝗶, 𝟬𝟰 𝗢𝘂𝘁𝘂𝗯𝗿𝗼 𝟮𝟬𝟮𝟰

𝗔𝘂𝘁𝗼𝗿𝗶𝗱𝗮𝗱𝗲 𝗣𝗿𝗼𝘁𝗲𝘀𝗮𝘂𝗻 𝗦𝗶𝘃𝗶́𝗹 (𝗔𝗣𝗖) 𝗹𝗶𝘂 𝗵𝗼𝘀𝗶 𝗣𝗼𝗿𝘁𝗮 𝘃𝗼́𝘀 𝗮𝘁𝘂𝗮́𝗹 𝗗𝗶𝗿𝗲𝘁𝗼́𝗿 𝗚𝗮𝗯𝗶𝗻𝗲𝘁𝗲 𝗥𝗲𝗹𝗮𝘀𝗮𝘂𝗻 𝗘𝘅𝘁𝗲𝗿𝗻𝗮 𝗻𝗼 𝗞𝗼𝗺𝘂𝗻𝗶𝗸𝗮𝘀𝗮𝘂𝗻 (𝗚𝗥𝗘𝗞), 𝗖𝗲𝘀𝗮𝗿𝗶𝗼 𝗱𝗮 𝗦𝗶𝗹𝘃𝗮 𝗠𝗮𝗿𝗾𝘂𝗲𝘀 𝗶𝗻𝗳𝗼𝗿𝗺𝗮 𝗱𝘂𝗿𝗮𝗻𝘁𝗲 𝘀𝗲𝗺𝗮𝗻𝗮 𝗶𝗱𝗮 𝗵𝗮𝗵𝘂́ 𝗵𝗼𝘀𝗶 𝟮𝟴 𝗢𝘂𝘁𝘂𝗯𝗿𝗼 𝘁𝗼’𝗼 𝟬𝟰 𝗡𝗼𝘃𝗲𝗺𝗯𝗿𝗼 𝟮𝟬𝟮𝟰 𝗔𝗣𝗖 𝗿𝗲𝗷𝗶𝘀𝘁𝗮 𝘂𝗺𝗮 𝟭𝟵 𝗵𝗲𝘁𝗮𝗻 𝗲𝘀𝘁𝗿𝗮𝗴𝘂𝘀 𝗻𝗼 𝗲𝗺𝗮 𝗮𝗳𝗲𝗶𝘁𝗮𝗱𝘂 𝟳𝟰.

“Hahú iha loron 28 Outubro to 04 Novembro 2024, Sentru Nasionál Operasaun Protesaun Sivíl (CNOPC) rejista kazu tipu dezastre hamutuk mak hanesan, uma estragus (19), anin sobu (15), ahi han (5 ), ema afetadus (74), priense kritéria (18), apoiu de’it emerjénsia (1), ema evakua (13),” relata Diretór GREK liu hosi konferénsia imprensa ba atualizasaun dadus dezastre semanál iha salaun APC, Kaikoli.

Porta Vós APC mensiona munisípiu, ne’ebé afeita ba dezastre hanesan munisípiu Kovalima (ahi han uma 3 ), munisípiu, Lautem (anin sobu uma 1), munisípiu Liquiça (anin sobu uma 13), munisípiu Viqueque (anin sobu uma 2).

Entretantu liga ba apoiu, Komandu APC munisípiu ho parseiru relevante sira fornese ona asisténsia emerjénsia ba família afetadus sira mak hanesan Ai-han no la’os Ai-han (food item & Non-food Item), inklui kontinua halo hela levantamentu detallu kona-ba sasan ne’ebé estragus no lakon.

𝐈𝐍𝐅𝐎𝐑𝐌𝐀𝐒𝐀𝐔𝐍 𝐃𝐄𝐓𝐀𝐋𝐋𝐔 𝐋𝐄’𝐄 𝐈𝐇𝐀 𝐎𝐊𝐎𝐒;

Deskrisaun ba akontesimentu ;

-𝐌𝐮𝐧𝐢𝐬𝐢́𝐩𝐢𝐮 𝐂𝐨𝐯𝐚𝐥𝐢𝐦𝐚

#Postu Tilomar, suku Casabauk, aldeia Kawa Uman, iha loron 30/10/2024 akontese ahi han komunidade nia uma 3.

-𝐌𝐮𝐧𝐢𝐬𝐢́𝐩𝐢𝐮 𝐋𝐚𝐮𝐭𝐞𝐦

#Postu Lautem, suku Lautem, aldeia Muapitine, iha loron 28/10/2024 akontese anin sobu komunidade nia uma 1.

-𝐌𝐮𝐧𝐢𝐬𝐢́𝐩𝐢𝐮 𝐋𝐢𝐪𝐮𝐢𝐜̧𝐚

#Postu Liquiça; suku Hatuquesi, aldeia Tautalo, iha loron 26/10/2024 akontese anin sobu komunidade nia uma 1.

Suku Loidahar, aldeia Kotalara, iha loron 30/10/2024 akontese anin sobu komunidade nia uma 1.

Suku Dato, aldeia Kamalehohoru, iha loron 30/10/2024 akontese anin sobu komunidade nia uma 3.

#Postu Maubara

Suku Vatuvou, aldeia Vatunao, iha loron 30/10/2024 akontese anin sobu komunidade nia uma 8.

-𝐌𝐮𝐧𝐢𝐬𝐢́𝐩𝐢𝐮 𝐕𝐢𝐪𝐮𝐞𝐪𝐮𝐞

#Postu Viqueque Vila, suku Fatudere, aldeia Culale, iha loron 27/10/2024 akontese ahi han komunidade nia uma 1.

#Postu Lacluta, suku Ahik, aldeia Ai look, iha loron 01/11/2024 akontese anin sobu komunidade nia uma 1.

𝐀𝐋𝐄𝐑𝐓𝐀𝐒

CNOPC-APC bazeia ba informasaun previzaun tempu husi Diresaun Nasionál Meteorológia no Geofízika (DNMG) -MTC, iha semana kotuk nia laran husi dia 28 Outubru-04 Novembro 2024

#Kondisaun Tempu

Iha semana kotuk nia laran atmosfera instavel ka kalohan taka iha territóriu nasionál kauza udan fraku -moderadu bele lokalmente udan forte liu liu munisípiu Dili, Manatuto, Baucau, Ermera, Ainaro, Vikeke, Bobonaro, Manufahi no Lautem

Temperatura másima iha territóriu nasionál vária husi 27-32 oC e minima 21-26 oC

#Kondisaun Anin

Anin hu’u ho velosidade normál-natoon iha rejiaun sentrál no anin hu’u ho velosidade naton-forte iha rejiaun kosteiras liu liu munisípiu sira hanesan: Atauro, Baucau, Lautem, Liquiça Vikeke no Manatuto

#Kondisaun Laloran Tasi

Laloran tasi kosta norte vária husi 0.2-1.0 metru (kategória normál)

Laloran tasi kosta Sul varia husi 0.7-1.4 metru (kategória normál-natoon)

# Rai nakdoko

#Iha risku; Ai monu/Ai tohar, estragus uma ne’ebé la estruturadu no seluk tan.

𝐀𝐔𝐓𝐎𝐑𝐈𝐃𝐀𝐃𝐄 𝐏𝐑𝐎𝐓𝐄𝐒𝐀𝐔𝐍 𝐒𝐈𝐕𝐈́𝐋 𝐇𝐀𝐊𝐀𝐑𝐀𝐊 𝐑𝐄𝐊𝐎𝐌𝐄𝐍𝐃𝐀 𝐁𝐀 𝐊𝐎𝐌𝐔𝐍𝐈𝐃𝐀𝐃𝐄 𝐇𝐎𝐓𝐔:

-Karik akontese udan bo’ot husu komunidade atu bele hases-an fatin risku sira hanesan mota ninin, foho lolon, ai-hun bo’ot, liña eletrisidade, rai dokumentus importante iha fatin ne’ebé seguru.

-Kazu emerjénsia ruma halo tuir orientasaun autoridade lokál ka protesaun sivíl ne’ebé besik, karik persija halo evakuasaun, mantein kalma nafatin, buka fatin ne’ebé seguru no evita pániku.

-Informasaun detallu bele asesu liu husi pájina facebook DNMG Timor-Leste.

Asaun ka intervensaun durante dezastre :

-Komandu APC Covalima halo ona asesmentu no verifikasaun no fó ona apoiu emerjénsia.

-Komandu APC Lautem halo ona asesmentu no verifikasaun no fó ona apoiu emerjénsia.

-Komandu APC Liquiça halo ona asesmentu no verifikasaun no fó ona apoiu emerjénsia.

-Komandu APC Viqueque halo ona asesmentu no verifikasaun no fó ona apoiu emerjénsia.

𝐋𝐢𝐦𝐢𝐭𝐚𝐬𝐚𝐮𝐧 𝐤𝐚 𝐝𝐢𝐟𝐢𝐤𝐮𝐥𝐝𝐚𝐝𝐞: Munisípiu balun sei iha limitasaun ba transporte, tanba ne’e ba oin husu atu bele aumenta transporte hodi mobiliza ekipa konjunta ba halo levantamentu dadus no tula sasan ka materiál FI& NFI ba família afetadus sira iha suku no aldeia.

𝐍𝐮́𝐦𝐞𝐫𝐮 𝐟𝐮𝐧𝐬𝐢𝐨𝐧𝐚́𝐫𝐢𝐮 𝐞𝐧𝐯𝐨𝐥𝐯𝐢𝐝𝐮: iha munisípiu diresaun destakadu husi SEPC (DNB, DNGRD, DNGR).

Ekipa Media APC