Baucau, 18 Novembru 2024- Autoridade Protesaun Sivíl (APC) Munisípiu Baucau, Lospalos no Viqueque partisipa formasaun kona-bá Jestaun ba Mate Isin iha edefísiu CVTL Filial Munisípiu Baucau.
Iha abertura Komandante APC Munisípiu Baucau Francisco Viana Freitas hateten Materia Jestaun ba Mate Isin ne’e importante tebes ba ita ho ida ne’e husu ba partisipa másimu durante loron 2 no nudar Autoridade Protesaun Sivil ne’ebé hili husi superior iha Munisípiu tenke atensaun ba prátika no oinsa halo identifikasaun ba mate isin. Tamba husi materia hirak ne’e fó hanoin mai ita no aumenta Ita nia kunhesementu oinsa halo jestaun di’ak ba mate isin.
Iha formasaun ne’e mós halo simulasaun prátika kona-bá oinsa atu identifika mate Isin no halo jestaun di’ak ba mate isin.
Total ema ne’ebé partisipa ba formasaun ne’e hamutuk 20 ho durasaun formasaun durante loron rua hahú husi loron 18 Novembru to’o loron 19 Novembru tinan 2024.
Aliya Guterres Média APC Baucau.