Manatuto, 20 Novembru 2024-Autoridade Protesaun Sivíl (APC) Munisípiu Manatuto liuhusi Korpu Bombiros ne’ebé lidera husi Komandante Korpu Bombeiros Domiber T.D.N.Soares hamutuk ho Xefe Brigada Charli Korpu Bombeiros Domingos soares, simu kontaktu husi Administrador Postu Administrativu Laclo; Filomeno Carserres iha tuku 10 :40 OTL, katak akontese ahi han uma area fatu metak suku uma kaduak Aldeia Ilimanu, Postu Adminstrativu Laclo, Munisípiu Manatuto.
Hafoin ekipa tun kedas iha fatin akontesementu hodi halo intervensaun rápida hodi hamate ahi refere maibé lakonsege sasan komunidade tamba ahi han maka’as nomós ho distánsia sai kauza atu hamate lalais inséndiu refere.
Husi inséndiu ne’e vítima afetada, Marcio Bere-Lekik da Cunha no Luis Pinto da Costa lakon sasan barak mak labele konsege salva inklui osan, dokumentus no seluk tan
Iha fatin hanesan APC liuhusi Gabinete Munisipál Jestaun Risku Dezastre João Soares hamutuk ho ekipa apoiu kedas sasan emerjénsia hanesan aihan no laos aihan ba família afetada.
Geny Média APC Manatuto