Lautém, 26 Novembru 2024 – Autoridade Protesaun Sivíl (APC) Munisípiu Lautém liuhusi Komandante APC; José Agostinho da Costa Pacheco, no Xefe Gabinete Munisipál Jestaun Risku Dezastre; Olficâncio Palau Flores, hamutuk Koordenadora Programa Asisténsia Sosiál, Caritas Diocesana de Baucau, fo asisténsia nesesidade bázika (alimentasaun) ba komunidade defisiénsia sira iha Postu Administrativu Tutuala, Munisípiu Lautém ho totál benefisiáriu hamutuk pesoál 17.
Atividade apoiu humanitária ne’e bele realiza tanba, liuhusi koordenasaun servisu di’ak entre APC Munisípiu Lautém ho ONG’s CARITAS inklui kooperasaun servisu ho Administrador Postu Administrativu Tutuala; Carlito Pereira, hamutuk Xefe Suku no Xefe Aldeia sira iha Suku rua (2) iha Postu Administrativu Tutuala mak hanesan Suku Mehara no Suku Tutuala.
Nesesidade bázika ne’ebé APC ho ONG’s CARITAS entrega ba benefisiáriu sira mak hanesan; fós saku ida, mina-sona, sabaun no rinso.
Eddy, Média APC Lautém.