Viqueuqe, 13 Dezembru 2024-Autoridade Protesaun Sivíl Munisípiu Viqueuqe liu husi Xefe Brigada I Korpu Bombeiros Donato da Costa hamutuk ho ekipa halo intervensaun rapidamente hodi hamate ahi ne’ebé han komunidade nia uma tolu tamba kauza husi sirkuitu eletrisidade iha loron kinta-feira dia 12 fulan Dezembru tinan 2024, oras 6:40 Otl lokraik to’o tuku 7:10 Otl.
Ekipa Bombeirus mos to’o kedas iha fatin akontesementu ho rapidamente hodi halo atuasaun no hamate ahi refere hodi salva vida komunidade nian nune’e salva mós uma no ambiente. Iha akontesementu la rezulta ema ruma kanek ka lakon vida maibé sasan uma laran barak mak ahi han motuk.
Vitima afetada sira mak hanesan Abilio Baptista husi aldeia Manehat, Suku Karaubalo, Postu Administrativu Viqueque, Munisípiu Viqueque ho membru família hamutuk nain valu (8), Lemos Pires husi Aldeia Makausa, Suku Iranbin Leterae, Postu Administrativu Uatukarbau, Munisípiu Viqueque ho membru família hamutuk nain sanulu (10) no Agustinha Amaral husi Aldeia Lamak Laran, Suku Karaubalo, Postu Administrativu Viqueque, Munisípiu Viqueque hamutuk membru família hamutuk nain ualu (8).
Iha akontesementu ne’e ekipa APC Viqueque liuhusi Xefe Departamentu Jestaun Rekoperasaun no Xefe Departamentu Jestaun Risku Dezastre hamutuk ho ekipa Korpu Bombeiros Viqueque inklui mós Servisu Munisipais Protesaun Sivil Viqueque apoiu no evakua viítima mai iha Sentru Evakuasaun Munisípiu Viqueque hodi hetan mós apoiu pakote emerjénsia hanesan food item ho non food item ba familia afetada
Justrino Jerónimo Média APC Viqueuqe.