Dili, 26 Janeiru 2025 – Autoridade Protesaun Sivill (APC) liu husi Diretór Gabinete Relasaun Esterna no Komunikasaun Cesario da Silva Marques relata dadus semanal hahú 20 – 27 Janeiru 2025 APC rejista númeru ema afetadu ba dezastre anin sobu no inséndiu hamutuk 13.
“Durante semana ida ne’e, iha rejiaun Timor-Leste normál no akontese tipu dezastre ahi han (1), anin bo’ot (7), prienxe kritéria (9), apoiu de’it emerjénsia (4), (asidente tráfiku 1 iha Munisípiu Ainaro), númeru ema afetadus (74) ema evakua (5),” relata Diretór Gabinete Relasaun Esterna no Komunikasaun Cesario da Silva Marques liu husi konferénsia imprensa iha salaun, APC-Kaikoli.
Porta vós APC mensiona munisípiu sira, ne’ebé afeita ba dezastre hamutuk munisípiu 7 kompostu hosi munisípiu Ainaro, Bobonaru, Dili, Ermera, Lautém, Manufahi, no Viqueque.
Diretór GREK esplika provizoriamente Komando APC munisípiu ho Parseiru relevante fo ona asistensia emerjénsia ba familia afetadu hanesan, aihan no laos aihan nune’e komando APC kontinua halo levantamentu ba dadus ba sasan ne’ebé mak hetan estragus no lakon husi dezastre naturais.
# Média APC