Lautém, 29 Janeiru 2025 – Autoridade Protesaun Sivíl (APC) Munisípiu Lautém liu husi Komandante APC José Agostinho da Costa Pacheco hamutuk ho Parseriu husi Fraterna koordenador Basilio da Costa, reprezentante Child Fund Timor-Leste Gonçalo Ximenes nomós parseriu PLAN Internasional hala’o programa sensibilizasaun kona-bá Redusaun Risku Dezastre(RRD) nomos kona-ba Programa Asaun Antisipatoriu (AA) iha salaun enkontru Postu Administrativu Luro, Munisípiu Lautém.
Programa refere fasilita husi NGO lokál, Parseriu Fraterna no Child Fund Timor -leste.
Entretantu iha Programa refere Komandante APC Munisípiu Lautém José Agostinho da Costa Pacheco, aprezenta mós kona-bá estabelesimentu APC Timor-Leste, Vizaun, Misaun no Papél, Mekanizmu intervensaun.
Komandante APC Munisípiu Lautém hamutuk ho Parseria no Ministériu relevantes sira serbisu hamutuk atu foti asaun bainhira iha âmbitu antes no durante no depois dezastre akontese.
Partisipa iha programa Sensibilizasaun RRD no AA mai husi Autoridade Lokál Suku neen (6) iha Postu Administrativu Luro mak hanesan; Suku Cotamutu, Luro, Baricafa, Lacawa, Afabubo no Suku Wairoque.
Ildefonso Soares, Média APC Lautém.