APC ATRIBUI SERTIFIKADU BA ESTAJIÁRIU UNITAL HO EIROS

Dili, 04 Fevereiru 2025-Autoridade Protesaun Sivíl (APC) liu husi Diretór Ezekutiva, Gui Savio Vicente akompaña husi Diretor DNGRD, DNR, CFAPC, DNGR inklui Xefe Gabinete Prezidente APC atribui sertifikadu ba estajiáriu na’in 8, kompostu Universidade Oriental Timor Lorosa’e (UNITAL) na’in 6 no Sentru Formasaun Eiros Entrepreneur Institute (EIROS) na’in 2 ne’ebé finaliza estájiu professional iha APC.

Serimónia atribuisaun sertifikadu no agradesimentu mai hosi inisiativa estajiáriu UNITAL no EIROS, ne’ebé organiza hosi GREK iha Salaun APC, Kaikoli.

Estajiáriu na’in 6 nu’udar estudante UNITAL frekuenta estájiu durante fulan rua Dezembru 2024 to’o Fevereiru 2025, enkuantu estajiáriu na’in 2 nu’udar formanda hosi EIROS hala’o estájiu

durante fulan tolu hahú hosi fulan Novembru 2024 to’o Fevereiru 2025.

Diretór Ezekutiva Gui Savio Vicente iha serimónia enseramentu hateten estájiu importante hodi hasa’e kuñesimentu liután iha teória no prátika, tanba ne’e tenke iha vontade aprende ho laran

atu hanesan ajente ida ne’ebe mak matenek hodi esforsu a’an di’ak iha futuru.

Diretór Ezekutivu esplika durante estájiu buat saida mak imi halo no mai aprende servisu hatene prátika servisu iha instituisaun nia laran ho servisu ekipa hamutuk ho funsionáriu sira. Ita-boot

sira hanesan estajiáriu bele fó ideas no hatudu kreativu hodi kontribui ba servisu instituisaun nian.

Iha biban ne’e, Dosente Orientadór Jufrida Amaral hateten estudante UNITAL na’in 6 mai estájiu iha APC durante fulan rua hanesan motivasaun no atu hetan esperiénsia ba sira-nia

futuru.

Dosente ne’e lori Universidade nia naran hodi husu deskulpa ba APC liga ho hahalok no atitude estajiáriu sira-nian.

Reprezentante Estajiáriu UNITAL, Paulo Amaral hato’o agradese wain tebes ba estrutura Autoridade Protesaun Sivíl, ne’ebé bele simu no fo espasu ba estajiáriu hodi estájiu iha APC.

“Agradese no obrigadu ba instituisaun Autoridade Protesaun Sivíl ne’ebe maka simu ona ami estagiadus UNITAL hosi Fakuldade Ekonomia, Departamentu Jestaun ho EIROS durante fulan

rua mai estájiu iha fatin refere, hodi aprende esperiénsia foun ho funsionáriu sira, parte ida atu kontribui baa mi-nia kapasidade hodi kompete iha kampu traballu” hato’o estajiáriu Paulo.

Ikus liu, estudante ne’e husu ba APC atu loke nafatin odamatan esudante UNITAL foun sira ne’ebé hakarak mai estájiu iha APC.

#Media APC