Ermera, 08 Fevereiru 2025 – Autoridade Protesaun Sivíl (APC) Munisípiu Ermera lidera husi Xefe Departamentu Diresaun Nasional Rekoperasaun Munisípiu Ermera Filomena Soares hamutuk ho ekipa Diresaun Nasional Jestaun Risku Dezastre Egidio Brites fornese pakote emerjénsia hanesan aihan no laos aihan ba vitima uma kain (3) ne’ebé sira nia uma hetan estragus tamba kauza husi udan no anin boot iha Munisípiu Ermera.
Vítima afetada sira maka Manuel Maia husi Aldeia Roulo, Suku Lauana ,no Lorenco de Deus Maia husi Aldeia Merigui, Suku Katrai Leten, Postu Administrativu Letefoho, Manuel dos Santos Gomes husi Aldeia Ilat, Suku Baboe Leten, Postu Adminitrativu Atsabe Munisipiu Ermera.
Aleinde ne’e, Xefe Brigada II Korpu Bombeiros Munisípiu Ermera Gil da Costa Barros hamutuk ho ekipa tun direta tesi ai ne’ebé monu hanehan vítima Manuel dos Santos Gomes husi Aldeia Ilat, Suku Baboe Leten, Postu Administrativu Atsabe, vítima Lourenco de Deus husi Aldeia Merigui, Suku Katrai Leten, vítima Manuel Maia husi Aldeia Roulo, Suku Lauana, Postu Administrativu Letefoho Munisípiu Ermera ne’ebé sira nia uma hetan estragus tamba kauza husi anin boot no udan boot akontese iha loron 08 Fevereiru tinan 2025.
Xefe Departamentu Diresaun Nasional Rekuperasaun Munisípiu Ermera Filmoena Soares “nafatin apela ba komunidade sira hotu iha Munisípiu Ermera laran tomak atu nafatin antisipa tamba agora ne’e tempu anin boot no udan boot.
Sebastião dos Santos Média APC Ermera.