Lautém, 13 Fevereiru 2025- Autoridade Protesaun Sivíl (APC) Munisípiu Lautém liuhusi Diresaun Nasionál Jestaun Risku Dezastre, Diresaun Nasionál Rekuperasaun akompaña husi Xefe Suku no Xefe Aldeia sira entrega pakote emerjénsia hanesan ai-han no la’os ai-han ba vítima dezastre ne’ebé kauza husi anin-bo’ot ne’ebé akontese iha data 11 até 13 Fevereiru 2025 iha Postu Administrativu Iliomar.
Vítima afetadu uma-kain hamutuk 13 ne’e kompostu husi suku haat (4) mak hanesan; Suku Tirilolo uma-kain neen (6), Suku Fuat tolu (3), Suku Iliomar-1 tolu (3) no Suku Caenlio uma-kain ida (1).
Entre númeru vítima hirak ne’ebé APC Munisípiu Lautém rejistu, iha uma-kain rua (2) mak tama kategoria aat-natoon, kategoria aat-kmaan iha haat (4) no iha uma-kain hitu (7) mak APC labele verifika maibé hetan de’it pakote emerjénsia husi APC Munisípiu Lautém.
Prosesu assesmentu no rekolla dadus husi APC koná-bá akontesimentu dezastre kauza husi anin-bo’ot ne’e hahú iha oras tuku, 09:15 no remata iha oras tuku 20:45 OTL.
Ildefonso Soares, Média APC Lautém.