Manufahi, 17 Fevereiru 2025-Autoridade Proteção Civil (APC) Munisípiu Manufahi lidera husi Komandante Manuel da Silva hamutuk ho Xefe Departementu Diresaun Nasionál Jestaun Risku Dezastre Joni da Costa Tilman Martins, Xefe Departementu Rekoperasaun Brigida de Andrade hamutuk ho ekipa Dezastre Munisípiu Manufahi hala’o asesmentu ba Paulo Fernandes nia uma ne’ebé hetan inséndiu tamba kauza husi sirkuitu eletrisidade iha loron sábadu dia 15 fulan Fevereiru tinan 2025 iha oras 14;00 meiudia.
Tuir informasaun husi uma nain Paulo Fernandes katak sira nia uma ahi han wainhira sira toba no deskansa meiudia, nunee iha akontesementu refere sasan uma laran la konsege salva.
Ekipa APC fornese kedas pakote emerjénsia hanesan aihan no laos aihan ba vítima afetada iha Aldeia Selihasan, Suku Betano, Postu Administrativu Same, Munisípiu Manufahi.
Manuel Branco Média APC Manufahi