Lautém, 17 Fevereiru 2025 – Autoridade Protesaun Sivíl Munisípiu Lautém relasiona ho insidente anin bo’ot ne’ebé akontese iha loron, 11 no 12 fulan Fevereiru tinan 2025 iha Postu Administrativu Luro, fó impaktu ba komunidade hamutuk uma kain ualu (8) nia uma ka hela fatin hetan estragus no naksobu.
Ho situasaun dezastre naturais ne’ebé komunidade enfrenta, nune’e ohin Autoridade Protesaun Sívil Munisípiu Lautém liu husi Gabinete Jestaun Risku Dezastre no Gabinete Rekuperasaun ne’ebé Xefia husi Florindo da Costa Neves, koopera hamutuk Protesaun Sivíl Munisipál no CVTL Filial Lospalos, halo assesmentu ba uma vítima afetadu sira, hafoin entrega pakote emerjénsia hanesan ai-han no la’os ai-han ba vítima dezastre hamutuk uma-kain ualu (8) ne’e.
Vítima dezastre uma kain ualu (8) husi Postu Administrativu Luro ne’e kompostu husi Suku rua (2) mak afeta ba dezastre anin-bo’ot ne’e mak hanesan iha Suku Baricafa, vítima dezastre iha uma-kain lima (5) no Suku Luro iha iha vítima dezastre uma-kain tolu (3).
Liu husi observasaun através dadus ne’ebé APC Munisípiu Lautém rekolla, entre vítima dezastre uma-kain ualu (8) ne’e, iha uma lima (5) maka ekipa APC bele verífika no pertense kategoria aat-kmaan, enkuantu uma tolu (3) maka hetan de’it pakote emerjénsia husi APC Munisípiu Lautém.
Ildefonso Soares, Média APC Lautém.