Manatuto, 17 Fevereiru 2025 – Autoridade Proteção Civil (APC) Munisípiu Manatuto ne’ebé lidera husi Komandante Afonso Soares da Silva akompaña husi Xefe Gabinete Rekoperasaun Abel de Carvalho, Xefe Departamentu Jestaun Risku Dezastre Tiago de Carvalho no Xefe Brigada Bravo Osvaldo da Costa Braz, hamutuk ho ekipa fornese pakote emerjénsia ba vítima uma kain 9 ne’ebé nia uma hela fatin hetan estragus tamba kauza husi udan ho anin boot ne’ebé akontese iha loron 10 fulan Fevereiru tinan 2025 iha Oras tuku 08:00 dader iha Suku Barique, Postu Administrativu Barique, Munisípiu Manatuto.
Husi terenu apoia pakote emerjénsia ne’, média APC observa katak iha uma kain 3 mak tama iha verifikasaun mak Julião da Costa, Domingas Soares, no Jeronimo da Costa sira nia uma tama iha kategoria at kman tamba estraga kuaze total. No iha sorin seluk uma kain 6 simu de’it pakote emerjénsia.
Eugenia Soares Média APC Manatuto.