Dili, 17 Fevereiru 2025-Autoridade Protesaun Sivíl (APC), liu husi Porta Voz APC atuál Xefe Relasaun Esterna Nelson Nunes Orleans, relata dadus durante semana ida hahú husi loron 10 – 17 Fevereiru 2025, rejista uma ne’ebé afeita ba dezastre hamutuk 179 no kanek (2) no ema (1) lakon vida. konferénsia imprensa ne’e hala’o iha salaun APC Kaikoli.
“Iha rejiaun Timor-Leste, akontese tipu dezastre ne’ebé CNOPC-APC rejista mak hanesan, Anin bo’ot sobu (35), Prienxe Kritria (27), Ahi han (3), Apoiu de’it Emerjensia (9), Numeru Ema Afetadus (179), Ema evakua (59), Kanek (2), lakon vida (1)” relata Porta Voz APC Nelson Nunes Orleans.
Munisipiu sira ne’ebé afeitadu ba dezastre refere hamutuk Munisípiu 6, hanesan Bobonaro, Covalima, Dili, Ermera, Liquiça no Viqueque ho tipo ne’ebé la hanesan.
“Munisípiu ne’ebé afeta ba dezastre hamutuk (6) mak hanesan, Munisípiu Bobonaro Anin sobu (5), Munisípiu Covalima Anin sobu (1), Ahi han uma (1), Municipio Dili Anin sobu (1), Ahi han uma (1), Munisípiu Ermera Anin sobu (3), Munisípiu Liquiça Anin sobu (9), Kanek (2) lakon (1), Munisípiu Viqueque Anin sobu (14), Ahi han uma (1)”, atuál Xefe Relasaun Esterna ne’e esplika.
Aleinede APC rekolla dadus dezastre hirak ne’e, iha momentu hanesan APC mos rekolla no halo verefikasaun ba dadus estraga no lakon.
“Autoridade Protesaun Sivil munisípiu halo diretamente verifikasaun ba dadus vítima afetadu nia uma tama iha kategoria ne’ebé sei tau iha sistema atu nune’e bele apoiu rekoperasaun iha tempu badak,” hatutan Xefe Seksaun Relasaun Externa, Nelson Nunes Orleans.
Relasiona ho uma kain ne’ebé hetan estragus, parte Komandu APC Munisípiu ida-idak ho parseiru relevante sira fornese asistensia emerjensia hanesan ai-han no laos ai-han (food item & Non-food Item) no sei kontinua halo hela levantamentu detallu kona-bá sasan ne’ebé estragus no lakon.
# MÉDIA APC#