Baucau, 18 Fevereiru 2025- Autoridade Protesaun Sivíl Munisípiu Baucau liu husi Xefe Departamentu Diresaun Nasionál Jestaun Risku Dezastre Basilio Amaral, Komandante Korpo Bombeiros Cristalina Fraga Correia hamutuk ho ekipa APC akompaña husi Autoridade Lokal asuntu sosiais Suku halo asesmentu ba vítima afetada husi anin boot no udan ne’ebé estraga sira nia uma iha loron 10 to’o 12 fulan Fevereiru tinan 2025 ho total afetada hamutuk uma kain 33 iha Postu Administrativu Baguia, Munisípiu Baucau
Husi familia afetada ne’e uma kain 10 mak hetan verifikasaun no uma kain 23 laverifika tamba uma dapur, armazen no estragus Kiik.
Iha biban ne’e vítima Tadeu Guteres hato’o agradese ba APC ne’ebé mai hodi hare’e sira nia kondisaun hafoin afeta husi dezastre
“Hau Husu agradese ba Autoridade Protesaun Sivil (APC) Tamba bele too iha ami Nia Fatin hodi hare rasik ho matan saida Mak Sira enfrenta iha Base” dehan Vitima tadeu Guterres.
Prosesu asesmentu ne’e fahe ba ekipa 2, no kada ekipa lidera husi Xefe Gabinete DNGRD no ida seluk lidera husi Komandante Korpo Bombeiros Munisípiu Baucau.
Natalia Guterres Média APC Baucau