Lautém, 21 Fevereiru 2025 – Autoridade Protesaun Sivíl Munisípiu Lautém, liu husi Komandante APC Lautém José Agostinho da Costa Pacheco, hola parte iha programa “Talk Show” iha Studiu Radio Comunidade Lospalos (RCL) ho topiku jerál koná-bá Redusaun Risku Dezastre no Hasa’e Rezilénsia Komunidade Hasoru Mudansa Klimátika liu-liu iha Munisípiu Lautém.
Aproveita tempu, Komandante APC Munisípiu Lautém José Agostinho da Costa Pacheco, através Studio Radio Comunidade Lospalos (RCL) transmite no habelar informasaun ba komunidade tomak iha Munisípiu Lautém, refere ba Papel, Vizaun no Misaun APC Timor-Leste. Iha tempu hanesan, Komandante APC Munisípiu Lautém José Agostinho da Costa Pacheco, husu mós ba entidades kompetentes sira hotu atu mantein iha koordenasaun no kolaborasaun servisu di’ak ho APC Munisípiu Lautém, bainhira iha situasaun antes, durante no depois dezastre.
Programa “Talk Show” iha Studio Radio Comunidade Lospalos (RCL) ne’e mós hetan partisipasaun husi Diretór Servisu Munisipál ho apoiu husi ONG’s no Organizasaun Komunitária Tadio Lopes, Diretór ONG’s Fraterna Munisípiu Lautém Venâncio de Jesus, Xefe Suku Bauro Florindo Miranda no reprezentante RHTO Fresilda Nofina Maia.
Programa “Talk Show” Studio Radio RCL ne’e hahú iha oras tuku 10:00 no remata iha 11:25 OTL.
Ildefonso Soares, Média APC Lautém.