Manufahi, 23 Fevereiru 2025-Autoridade Protesaun Sivíl Munisípiu Manufahi liu husi Korpu Bombeiros Brigada I Duarte da Costa servisu hamutuk ho ekipa konjunta husi PNTL Munisípiu Manufahi inklui Autoridade lokal no komonidade sira hatun mate isin Natalino de Araujo idade 34 anos ne’ebé hakotu nia vida ho motivu tara-an iha Aldeia Manico,Suku Letefoho Postu Administrativu Same, Munisípiu Manufahi.
Tuir sasin Jerilo de Araujo haktuir katak iha dadersan tuku ualu ( 08:00 ) nia ba buka nia karau no depois nia hetan matebian Natalino mate ho kondisaun tara- an. Hafoin hetan tia matebian, sasin fila kedas ba uma hodi fó hatene ba família no autoridade lokal sira relasiona ho mate isin refere ne’ebé maka nia hetan. APC Manufahi liu husi Korpu Bombeiros konsege hatun mate isin no entrega ona ba familia hodi hala’o prosesu funeral ba matebian.
Manuel Branco Média APC Manufahi