Ermera, 26 Fevereiru 2025 – Autoridade Protesaun Sivíl (APC) Munisípiu Ermera lidera husi Xefe Departamentu Diresaun Nasional Jestaun Risku Dezastre Munisípiu Ermera Sabino Amaral Fernandes ho ekipa akompaña husi OPS Suku Ponilala hodi halo observasaun direta ba komunidade nia uma ho Eskola Sacoco ne’ebé hetan amesa husi rai ne’ebé halai iha Aldeia Sacoco, Suku Ponilala, Postu Administrativu Ermera, Munisipiu Ermera.
Observasaun husi ekipa APC Diresaun Nasional Jestaun Risku Dezastre Munisípiu Ermera kona-bá rai ne’ebé halai fó amesa ba komunidade uma kain (20) no eskola (1) iha Aldeia Sacoco, Suku Ponilala, Postu Administrativu Ermera Munisípiu Ermera tamba kauza mai husi udan boot ne’ebé akontese durante semana ne’e hodi kauza ba rai halai ka erozaun.
Xefe Aldeia Sacoco Tiago Fatima Lemos “Hato’o agradese ba servisu Autoridade Protesaun Sivíl (APC) liu husi ekipa Diresaun Nasional Jestaun Risku Dezastre Munisípiu Ermera ne’ebé tun direta hodi observasaun ba ha’u nia komunidade sira nia uma no eskola ne’ebé hetan amesa husi rai halai,tamba ne’e dala ida tan hanesan Xefe Aldeia sempre servisu hamutuk ho APC Munisipiu Ermera hodi halo prevensaun no mitigasaun”.
Alende ne’e Xefe Departamentu Diresaun Nasional Jestaun Risku Dezastre Munisípiu Ermera Sabino Amaral Fernandes “nafatin apela ba komunidade sira hotu iha Suku Ponilala laran tomak atu nafatin kumpri ordem husi parte relevante tamba agora ne’e tempu udan no anin.
Sebastião dos Santos Média APC Ermera