Lautém, 27 Fevereiru 2025 – Autoridade Protesaun Sivíl Munisípiu Lautém, liu husi Komandante Korpu Bombeiros Martinho de Carvalho, hamutuk Xefe Gabinete Munisipál Jestaun Risku Dezastre Olficâncio Palau Flores no Xefe Gabinete Munisipál Rekuperasaun Florindo da Costa Neves, akompaña Diretúr Gabinete Relasaun Externa no Komunikasaun Cesário da Silva Marques hala’o programa Sosializasaun koná-bá Enkuadramentu Legais/ Lei baze APC Timor-Leste ba autoridade lokál no konsellu suku sira iha Suku Cacavei, Postu Administrativu Lospalos, Munisípiu Lautém.
Molok hahú aprezentasaun matéria ba partisipante sira, Diretúr GREK Cesário da Silva Marques, iha nia introdusaun badak hateten katak “ APC Timor-Leste liu husi GREK mai sosializa Enkuadramentu Legais APC nian ba autoridade lokál sira, para nune’e bele entende netik papél no lala’ok servisu APC nian:.
Diretúr GREK Cesário da Silva Marques hatutan tan katak, através informasaun ne’ebé GREK fornese bele ajuda autoridade lokál sira, hodi bele komprende di’ak liu-tán servisu APC relevante ho intervensaun no mós apoiu sira ne’ebé APC Munisípiu Lautém bele fornese no distribui ba komunidade sira, bainhira iha dezastre naturais ruma akontese.
Programa Sosializasaun koná-bá Enkuadramentu Legais APC ne’e realiza iha sede Suku Cacavei, hahú husi oras tuku 09:00 no remata iha oras tuku 12:35 OTL.
Ildefonso Soares, Média APC Lautém.