Ermera, 03 Marsu 2025 – Autoridade Proteção Civil (APC) Munisípiu Ermera lidera husi Komandante APC Ermera Norberto Soares Exposto hamutuk ho funsionáriu APC partisipa iha aniveráriu loron Veteranus Nasional, iha Resintu Autoridade Munisípiu Ermera.
Exelénsia Prezidente Autoridade Munisipál Ermera (PAM), José Martinho dos Santos Soares, nu’udar Inspetúr seremónia hasa’e bandeira ba primeira semana fulan Marsu aumezmu tempu komemora mós loron Veteanus Nasionál,
Exelénsia Prezidente Autoridade Munisipál Ermera (PAM), iha Intervensaun hateten, “ita komemora loron Veteranus hodi hanoin hikas luta ba Libertasaun ho tempu ne’ebé naruk husi ita nia kombatente sira, tanba ne’e ita fó onra, gloria no respeita ba maluk sira ne’ebé fó ona sira nia vida hodi terus no susar durante tinan 24 nia laran hodi Timor-Leste sai nasaun ne’ebé independente”.
Komemorasaun loron Veteranus ne’e hahú ho misa iha Igreja Paroquia Nossa Senhora da Graça Gleno no kontinua lori aifunan ba kari iha monumentu Heroi da Partria Gleno.
Partisipa iha Komemorasaun Loron Veteranus nia mak hanesan PNTL, F-FDTL, DNSPP, APC, EDTL, BTL, funsionáriu servisu Munisipiál, Veteranus Munisípiu Ermera no komunidade Munisípiu Ermera.
Sebastião dos Santos Média APC Ermera.