Lautém, 04 Marsu 2025 – Autoridade Protesaun Sivíl (APC) Timor-Leste, liu husi Diretór Gabinete Relasaun Externa no Komunikasaun; Cesario da Silva Marques, kontinua hala’o programa Sosializasaun koná-bá Enkuadramentu Legais APC no Papél Protesaun Sivíl bazeia ba Lei nú. 12/2020, 12 Dezembru, ba autoridade lokál no konsellu suku sira iha Suku Souro, Postu Administrativu Lospalos, Munisípiu Lautém.
Iha introdusaun husi Diretór Nasional GREK Cesario da Silva Marques ba autoridade lokál no konsellu suku Souro katak, prezensa APC liu husi GREK iha suku Souro hodi dezimina no partilla informasaun sobre lei báziku APC nian, atu nune’e autoridade lokál sira bele komprende di’ak liu-tán servisu APC nian através servisu no atuasaun responde dezastre naturais ne’ebé hala’o husi ajente APC Munisípiu Lautém.
Programa Sosializasaun koná-bá Enkuadramentu Legais APC ne’e hala’o iha sede suku Souro, Postu Administrativu Lospalos,Munisípiu Lautém, hahú iha oras tuku 08:25 no remata tuku 15: 35 OTL.
Programa Sosializasaun ne’e hetan partisipasaun husi na’i Xefe Suku no Xefe Aldeia sira, Xefe Gabinete Munisipál Jestaun Risku Dezastre Olficâncio Palau Flores no Gabinete Munisipál Rekuperasaun Florindo da Costa Neves, no programa sosializasaun ne’e ohin ensera ho diskusaun grupu kompostu husi grupu tolu (3) husi partisipante sira.
Ildefonso Soares, Média APC Lautém.