Ainaro, 06 Marsu 2025 – Autoridade Protesaun Sivíl liu husi Komandante Korpu Bombeiros Munisípiu Ainaro Domingos da Silva hamutuk ho ekipa evakua vítima Henrique Monis ne’ebé hetan ta’a tamba hadau malu rai iha Suku Mau-Nuno, Postu Administrativu Ainaro, Munisípiu Ainaro.
Vítima refere ekipa Korpu Bombeiros Autoridade Protesaun Sivíl Munisípiu Ainaro evakua kedas ba Sentru Saúde Munisípiu Ainaro hodi hala’o tratamentu, no tuir informasaun ne’ebé Média APC Ainaro asesu katak vítina agora dadaun ho kondisaun grave no ikus mai transfere kedas ba Hospital Nacional Guido Valadares Dili.
Zelia Barros Média APC Ainaro.