Baucau, 10 Marsu 2025 – Komando Autoridade Protesaun Sivíl Munisípiu Baucau liu husi funsionáriu Korpu Bombeiros no APC partisipa Formasaun ho Tema “Perigu Hidrometeorolojiku, Klimatolojiku, no Jeofíziku” ne’ebé fasilita husi Centro Nacional Operacional de Proteção Civil iha Edifisiu Autoridade Protesaun Sivíl Munisípiu Baucau.
Formador Severino d.C.Oliveira hateten katak “Objetivu husi Formasaun ida ne’e oinsa ita bele habelar informasaun kona-bá perigu 3 hanesan Hidrometeorolojiku, Klimatolojiku no Jeofíziku no husi perigu 3 ne’e nia tipu dezastre mak oinsa nomós halo Prevensaun no Mitigasaun tamba dala barak ema hatene tipu dezastre ne’e mak udan ka anin de’it maibé lahatene ninia klasifikasaun perigu sira”.
Aliende ne’e Komandante Operasional Autoridade Protesaun Sivil Munisípiu Baucau Francisco Viana Freitas husu ba partisipante sira atu partisipa ho másimu tamba formasaun ne’e importante hodi amenta Ita nia kuñesementu iha sira iha área sira ne’e.
Formasaun ne’e hala’o durante loron 3 hahu iha loron 10-12 Marsu 2025, no hetan partisipante sira hamutuk nain 21.