Lautém, 10 Marsu 2025 – Funsionáriu Autoridade Protesaun Sivíl (APC) Munisípiu Lautém hamutuk na’in 25 partisipa iha Formasaun ‘Ordem Únida’ ne’ebé lidera husi instrutór Sentru Formasaun Protesaun Sivíl Nasional, José Manuel Alves Calado no João Carlos
Molok formasaun ne’e hahú, iha intervensaun husi Komandante Munisipál Operasaun Protesaun Sivíl (CMO-PC) Munisípiu Lautém José Agostinho da Costa Pacheco, “husu ba partisipantes sira katak, presizu foku no atensaun didi’ak ba instrusoens hirak ne’ebé formadór sira fó, tanba através resiklajen ‘Ordem Únida’ ne’e bele hadia karáter no kapasita mentalidade funsionáriu sira, liu-liu ba funsionáriu ajente administrativu no funsionáriu kazuais sira, ne’ebé sai nu’udár ajente APC iha Munisípiu Lautém ida ne’e”.
Entretantu, formasaun ba ‘Ordem Únida’ ne’e, ofisíalmente loke husi Diretór Servisu Munisipál Protesaun Sivíl no Jestaun Dezastre Casimiro de Assunção Pires, ne’ebé akompaÑa husi Komandante Korpu Bombeiros Martinho de Carvalho,
Enkuantu formasaun ne’e hala’o iha fatin Jináziu Munisipál Lautém, no tuir ajenda ba formasaun ‘Ordem Únida’ ne’e, hahú iha loron, 10 Marsu no termina iha loron 14 fulan Marsu 2025.
Ildefonso Soares, Média APC Lautém.