Baucau, 12 Marsu 2025 – Centro Nacional de Operação de Proteção Civil hamutuk ho APC Munisípiu Baucau ensera Formasaun “Perigu Hidrometeorolojiku, Klimatolojiku, no Jeofiziku ne’ebé hala’o durante loron 3 iha Edifisiu APC Munisípiu Baucau.
Formasaun ida ne’e, hanesan parte ida hodi kapasita mebru APC sira iha teritóriu nasionál atu bele komprende no iha koñesimentu ba Perigu Hidrometeorolojiku, Klimatolojiku, no Jeofiziku bainhira halo servisu iha terenu.
Iha biban ida ne’e Reprezentante Komandante APC Munsípiu Baucau Basilio Amaral atuál Xefe Departamentu Jestaun Risku Dezastre hateten siensia ne’ebé hetan presiza hatutan ba sira seluk
“Durante loron 3, hau akompaña imi no imi iha mudansa duni, liu husi biban ida ne’e husu atu koñesementu ne’ebé imi hetan labele para de’it iha imi. Maibé, koko hatutan ba iha Suku, Aldeia no familia sira no formasaun ne’ebé imi hetan hanesan Siensia bainhira imi fahe tutan Siensia ne’e iha valor , ne’e duni materia balun ne’ebé karik la komprende husu nafatin atu nune’e bainhira Ita fahe informasaun fahe ho lolos”, Dehan Reprezentante Komandante APC Basilio Amaral Xefe Departamentu DNGRD
Natalia Guterres Média APC Baucau