Lautém, 21 Marsu 2025 – Komandante Autoridade Protesaun Sivíl Munisípiu Lautém interinu Martinho de Carvalho, ne’ebé akompaña husi Xefe Gabinete Munisípal Jestaun Risku Dezastre no Rekuperasaun, partisipa iha enkontru regular Konsellu Munisipal Protesaun Sivíl (CMPC), ne’ebé realiza iha salaun enkontru Postu Administrativu Lospalos, Munisípiu Lautém.
Iha bibán ne’e, APC Lautém aprezenta rezultadu no progresu servisu ne’ebé Autoridade Protesaun Sivíl (APC) Munisípiu Lautém atinje ona, inklui obstákulu ka dezafiu hirak ne’ebé APC enfrenta iha tinan 2024.
Partisipa iha enkontru Konsellu Munispál Protesaun Sivíl ne’e, kompostu husi liñas ministeriais hanesan Servisu Munisípal Protesaun Sivíl no Jestaun Dezastre, PNTL, Ministériu Obras Públicas (MOP), Saúde, Agrikultura, Edukasaun, MSSI, no Ministériu relevantes sira seluk.
Ildefonso Soares, Média APC Lautém.