Baucau, 25 Marsu 2025- Komandante Autoridade Protesaun Sivil Munisipiu Baucau Francisco Viana Freitas ho estrutura partisipa formasaun kona-bá Konsellu Munisipal Protesaun Sivil (KMPC) iha Baucau ne’ebé organiza husi Servisu Munisipal Protesaun Sivil (SMPC) Munisipiu Baucau iha Salaun Apuramentu Munisipal.
Objetivu husi formasaun ne’e maka atu kapasita membru KMPC hodi bele hatene kona-bá funsaun no responsablidade hodi responde ba emerjénsia no halo koordenasaun entre servisu parseria hodi responde ba dezastre.
Hafoin formasaun remata sei kontinua kedan fó pose ba Estrutura Konsellu Munisipál Protesaun Sivíl (KMPC) ne’ebe sei marka prezensa husi Prezidente Autoridade Protesaun Sivil Jesuino dos Reis de Matos Carvalho.
Formasaun ne’e hetan suporta husi WORD VISION husi Programa Resilénsia Klimátika ba ema hotu ne’ebé finansia husi governu Australia no fasilitador ba formasaun refere mai husi Sentru Formasaun Autoridade Protesaun Sivil nasionál.
Atividade formasaun ne’e hala’o durante loron 3 hahú iha dia 25-27 Marsu 2022.
Natalia Guterres Média APC Baucau