Baucau, 28 Marsu 2025- Prezidente Autoridade Protesaun Sivil Jesuino dos Reis de Matos Carvalho fó pose ba Konsellu Munisipal Protesaun Sivil (KMPC) hamutuk nain 20, kompostu husi liña Ministeriál iha Munispiu Baucau.
Prezidente APC Jesuino dos Reis de Matos Carvalho hateten servisu protesaunsivíl la’os de’it responsabilidade APC nian de’it maibé sidadaun hotu-hotu iha Timor-Leste.
“Servisu ba dezastre la’os de’it APC maka sai nain, agradese ba Imi hotu ne’ebe fó ona imi nia tempu ho boa vontade hakarak atu sai servidor ne’ebe di’ak hakarak atu kontribui hodi hadia rai ne’e hodi hatutan liman ain governu nian hodi proteze Ita nia komunidade bainhira hetan dezastre”, dehan Prezidente APC Jesuino dos Reis de Matos Carvalho
Ema primeiru husi APC ne’e mós enkoraza nafatin hodi kontinua sensibliza , simulasaun nomós hala’o kampaña edukativa ba nível komunidade no estudante sira iha eskola liuliu ba komunidade sira ne’ebé hela besik iha tasi Ibun, rai lolon, mota ninin atu sira nune’e prevene antes mosu dezastre.
Natalia Guterres Média APC Baucau