Ermera, 02 Abril 2025-Autoridade Protesaun Sivil (APC) Munisipiu Ermera lidera husi Albino da Costa Gomes ho ekipa partisipa iha atividade kuda ai oan iha Suku Poetete, Postu Administrativu Ermera Munisípiu Ermera.
Objetivu husi kuda ai oan ne’e atu proteze no halo reflorestasaun hodi prevene erosaun no rai monu nune’e bele konserva rai, be’e no fornsese iklima ne’ebé saudável ba ema no balada fuik sira.
Iha biban ida ne’e, Diretór SMASA Domingos Sousa de Deus hateten sidadaun hotu-hotu iha kna’ar atu asegura be’e matan no asegura mós rai liu husi kuda ai oan ne’ebé guvernu oferese ona tamba ne’e presiza prevene labele sunu rai, tesi ai arbiru nomós seluk tan.
Atividade kuda ai-oan ne’e, organiza husi Diresaun SMASA kooperasaun ho Autoridade Munisipál, APC, Floresta, Dezastre Naturais, DFAT-PARTISIPA no Autoridade Lokal.
Ai ona ne’ebé maka kuda hamutuk 1000 kompostu husi Ai-kakeu, Ai-teka mutin, Ai-katapa, Hali, Ai-betu, Ai-dig no seluk tan, enkuantu apoiu trasporte ba atividade refere husi APC Munisípiu Bobonaro, DFAT-PARTISIPA, no Saúde Munisipál Ermera.
Sebastião dos Santos Média APC Ermera.