Manatuto, 01 Abril 2025- Xefe Departamentu Jestaun Risku Dezastre Tiago de Carvalho hamutuk ho ekipa fornese pakote emerjénsia hanesan aihan no laos aihan ba Bendito Pereira ne’ebé nia uma hetan inséndiu tamba kauza husi ahi matan husi dapur ne’ebé lahamate hodi alarga ba uma tomak iha loron 08 fulan Marsu tinan 2025, iha Aldeia Amanun, Suku Manelima, Postu Administrativu Laclubar, Munisípiu Manatuto.
Fatór husi inséndiu ne’e tamba vítima hela mesak ho idade avansadu no laiha ema ruma ajuda bainhira atu tein ikus mai haluha hamate ahi iha dapur hodi konsege han uma tomak.
Iha sorin seluk ekipa APC Munisípiu Manatuto mós kontinua halo verifikasaun nomós fornese pakote emerjénsia ba uma kain hamutuk 17 ne’ebé sira nia uma hetan estragus tamba kauza husi anin sobu, erosaun, nomós inséndiu iha Postu Administrativu Laclubar, Munisipiu Manatuto.
Eugenia Soares Média APC Manatuto.