Bobonaro, 07 Abril 2025-Autoridade Protesaun Sivíl Munisípiu Bobonaro lidera husi Xefe Departamentu Jestaun Risku Dezastre Cristiano Leonardo Lengo hamutuk ho ekipa hala’o verifikasaun no fornese pakote emerjénsia hanesan aihan no laos aihan ba Guilhermino Silvino ne’ebé sai vítima tamba nia uma hetan inséndiu iha loron 04 fulan Abril tinan 2025 iha oras tuku 11:00 kalan iha Aldeia Medu,Suku Meligu,Postu Adminisrativu Cailaco, Munisípiu Bobonaro.
Tuir informasaun ne’ebé ekipa APC asesu iha terenu katak ahi han iha tempu kalan bainhira vítima sira denkansa no derepenti ahi lakan no alarga maka’as ba uma tomak nune’e vítima hakfodak no lori sai nia família sira husi uma laran.
Iha inséndiu ne’e, konsege ahi han tomak sasan uma laran, maibé la rezulta ema ruma kanek ka lakon vida.
Media APC Bobonaro Domingos Moniz Armando