Baucau, 7 Abril 2025- Marquita Freitas Pereira hetan kanek bainhira salva nia-an husi inséndiu ne’ebé akontese ba nia uma tamba kauza husi sirkuitu eletrisidade ne’ebé han mutuk nia uma iha tuku 02 Madrugada iha loron 21 fulan tinan 2025, iha Aldeia Atelari, Suku Atelari, Postu Administrativu Laga, Munisípiu Baucau.
Tuir informasaun ne’ebé asesu husi ekipa APC banhira observa direitamente iha fatin akontementu katak vítima lahatene derepente ahi han uma laran tomak hodi han mutuk uma tomak no rezulta vítima hetan kanek kma’an iha parte uluk no ain no konsege kurativu husi família viziñu ne’ebé hela besik nia.
Ho nune’e APC munisípiu Baucau liu husiXefe Departamentu Jestaun Rekursu Januario Freitas Pereira hamutuk ho ekipa fornese pakote emerjénsia hanesan aihan no laos aihan ba vítima afetada nom’os halo verifikasaun ba uma vítima ne’ebé inséndiu hodi hein prosesu rekoperasaun.
Alende ne’e mós ekipa APC kontinua fornese pakote emerjénsia aihan no laos aihan ba vítima afetada hamutuk uma kain 7 ne’ebé sira nia uma hetan estragus tamba kauza husi anin boot no udan ne’ebé akontese iha loron semana ida fulan Abríl tinan 2025, iha Postu Administrativu Laga, Munsípiu Baucau.
Natalia Guterres Média APC Baucau