Dili, 07 Abríl 2025-Hanesan baibain tama ba semana primeiru kada fulan, funsonáriu públiku, ajente administrasaun no funsionáriu kazuais sira nu’udar servidór estadu hala’o serimónia Isar Baindeira.
Ho nune’e, semana dahuluk, fulan abríl 2025, funsionáriu hosi Autoridade Protesaun Sivíl (APC) no funsionáriu Ministériu Interior (MI) hala’o serimónia Isar Bandeira iha resintu Ministériu Interior, Vila-Verde, ne’ebé prezide hosi Sua Exelénsia Sekretáriu Estadu Protesaun Sivíl, Domingos Mariano Reis.
Iha diskursu, Sua Exelénsia Sekretáriu Estadu Protesaun Sivil Domingos Mariano Reis husu ba funsionáriu no kargu xéfia sira iha diresaun tutela APC ho MI atu asegura serbisu tuir planu no programa.
“Husu nafatin ba diresaun hotu atu asegura serbisu tuir planu no programa durante fulan ha’at husi Janeiru to Abril tenki avalia fali ba programa ne’ebé mak tau ona iha planu,” Solita SEPC.
Governante ne’e apela ba funsionáriu hotu tenki mantein profesionalizmu iha serbisu administrasaun sira no serbisu ekipa hodi lori susesu ba Ministériu Interior.
Lideransa Protesaun Sivíl hateten “kapasidade ema ida-idak nian liuhusi kapasidade lideransa nu’udar diretór, diretor jerál, xefe departmentu, xefe seksaun, funsionáriu tékniku sai mós nu’udar funsionáriu ne’ebé mak profesionál tenki garantia serbisu hotu kualidade hodi atinje objetivu ba interese komum.”
#Média APC