Ermera,10 Abril 2025-Autoridade Protesaun Sivíl (APC) Munisípiu Ermera lidera husi Xefe Departamentu Diresaun Nasional Jestaun Risku Dezastre Munisipiu Ermera Sabino Amaral Fernandes ho ekipa tun direta hodi halo observasaun direta ba komunidade uma kain 4 ne’ebé sira nia uma hetan estragus tamba kauza husi rai halai iha loron 10 fulan Abril tinan 2025 iha Aldeia Perigrinhasaun, Suku Fatubesi, Postu Administrativu Hatulia.B, Munisipiu Ermera.
Tuir observasaun husi ekipa APC-Diresaun Nasional Jestaun Risku Dezastre Munisipiu Ermera kona-bá rai ne’ebé halai ne’e tamba kauza husi udan boot ne’ebé akontese durante semana ne’e nune’e provoka hamosu erozaun.
Alende ne’e Xefe Departamentu Direaaun Nasional Jestaun Risku Dezastre Munisipiu Ermera Sabino Amaral Fernandes nafatin apela ba komunidade sira hotu iha Suku Fatubesi laran tomak atu nafatin kumpri ordem husi parte relevante tamba agora ne’e tempu udan no anin.
Sebastião dos Santos Média APC Ermera.