“Halo avaliasaun no foti desizoens ba malu hodi nune’e bele hadi’ak servisu Ministériu Interior ba oin”
Liafuan ne’e hateten husi Ministro do Interior Francisco da Costa Guterres Ph.D bainhira halo reniaun dahuluk ba konsellu konsultivu Ministériu Interior tinan 2025 ne’ebé akompaña husi Sekretáriu Estadu Protesaun Sivíl Domingos Mariano Reis ho kargus diretóres jerál sira iha Salaun IMPA, Suku Vatovou, Postu Adminstrativu Maubara, Munisípiu Liquiça, iha loron 11 fulan Abril tinan 2025.
Ministro Interior Francisco da Costa Guterres Ph.D hateten sei halo re-estruturasaun ba instituisaun kuandu la funsiona ho di’ak.
“Tamba ita tenki re-organiza estrutura, kuandu organizasaun ne’e ladún la’o ita hare’e tok sistema mak ladi’ak ka objetivu mak ita planeia lalo’os ou ema ida ne’ebé mak iha organizasaun ne’e maka ladún lao ho ladi’ak, ita tenki book ou sistema mak ladi’ak ita tenki book ka lei mak taka dalan ita tenki hadia fali lei ”, dehan Ministro Interior Francisco da Costa Guterres Ph.D.
Governante ne’e salienta liu tan katak kestaun sira ne’ebé deskute ona iha reniaun konsellu konsultivu ida ne’e liu-liu ba kargus diretóres sira tenke tau iha prátika.
Tuir planu reniaun konsellu konsultivu sei halo kada trimestral tinan 2025 ne’ebé sei organiza nafatin husi Autoridade Proteção Civil lidera husi Diretór Nasionál Jestaun Rekursu Virgilio dos Santos Soares ho nia ekipa APC.
Konsellu konsultivu Ministériu Interior ida ne’e kompostu husi Superior Ministério do Interior Francisco da Costa Guterres Ph.D ho Sekretáriu Estadu Protesaun Sivíl; Domingos Mariano Reis, Asesor sira, Kargus Diretór jerál sira ne’ebé tutela iha Ministériu Interior no Sekretária Estadu Protesaun Sivíl.
Micho Média GREC-APC