Covalima, 11 Abril 2025 -Komando Autoridade Protesaun Sivíl Munisípiu Covalima hamutuk ho parseru World Vision realiza formasaun ba membru KJDS, Autoridade lokal husi Suku Casabauc no Suku Biseuk iha sede Suku Casabauc, Postu Administrativu Tilomar, Munisípiu Covalima.
Formasaun ne’e hala’o durante loron rua 10 -11 Abril 2025, loron dahuluk aprezenta husi APC Sr Anacleto Caitano hodi koa’lia kona-bá enkuadramentu legais / lei APC Timor Leste ba Autoridade lokal no membru KJDS Suku sira hodi bele entende papél no lala’ok APC nian.
Entertantu loron daruak Komandante Korpu Bombeiros Noti de Jesus Alves, klarifika papél Korpu Bombeiros ninian.
Hafoin ida ne’e demostra simulasaun kona-bá oinsa halo evakuasaun ba vítima dezastre sira ba estrutura suku rua ninian liu husi kolaborasaun ho World Vision no CVTL Filial Covalima.
Virgilio do Nascimento Média APC Covalima.