Ermera,11 Abril 2025-Sua Exelénsia Secretário Estado Proteção Civil (SEPC) Domingos Mariano Rais, amkopaña husi Xefe Departamentu Diresaun Nasional Jestaun Risku Dezastre (DNGRD) Munisipiu Ermera Sabino Amaral Fernandes, Segundo Komandante Bombeiros (DNB) Munisipiu Ermera Bentu Ximenes no ekipa fornese pakote emejénisa hanesan aihan no laos aihan ba vitima uma kain 8 ne’ebé afeita ba rai halai iha Aldeia Peregriña, Suku Fatubesi, Postu Administrativu Hatulia.B, Munisipiu Ermera.
Objetivu husi Secertário Estado Proteção Civil (SEPC) Domingos Mariano Reis hamutuk ekipa APC Munisipiu Ermera atu hare’e situasaun no kondisaun ne’ebé mak komunidade sira hasoru liu-liu familia uma uma kain 8 ne’e. Aleinde ne’e Govermante ne’e mós orienta kedas ekipa APC Munisipiu Ermera hodi foti dadus no hala’o verifikasaun ba uma 8 ne’ebé mak afeita husi dezastre ne’e.
Tuir observasaun dereita husi APC Munisipiu Ermera hatudu katak uma 5 mak tama ba kategoria no uma 3 mak la tama ba kategoria hofoin halo verifikasaun direita ba fatin akontesementu.
Iha biban ne’e Xefe Suku Fatubesi Idelfonso S. Marcas hato’o agradese ba Sua Exelénsia Secretário Estado Proteção Civil ho ekipa APC Munisipiu Ermera ne’ebé fó ona apoia pakote emejénisa ba nia komunidade.
Partisipa iha atividade refere mak hanesan Administrador Postu Administrativu Hatulia.B,Xefe Fatubesi, Xefe Aldeia Peregriña,Servisu Dezastre Munisipál, Komandante PNTL Esqurda Hatulia.B no mós Komunidade afeitadu sira.
Sebastião dos Santos Média APC Ermera.