Dili, 14 Abríl 2025
Ekipa Ministériu Finansas liu husi Diresaun Jerál Tezouro (DGT) hala’o vizita traballu mai Diresaun Nasionál Jestaun Rekursu (DNGR) hodi haree no monitoriza servisu ezekusaun orsamentu Autoridade Protesaun Sivíl (APC) nian hahú tinan 2024 to’o 2025.
Objetivu hosi monitorizasaun atu verifika no avalia konformidade tuir regras no prosidementu relasiona ho reseitas no despeza, inklui saldu hosi pagamentu fundu maneio, adiantamentu kaixa, kontabilidade no relatóriu ba períodu kuartu trimestre ka Q4 tinan 2024 no primeiru trimestre Q1 tinan 2025, enkuantu objetivu seluk hosi monitorizasaun ne’e atu identifika difikuldades ne’ebé enfrenta hodi bele hadi’a di’ak liu iha futuru.
Hola parte iha monitorizasaun ne’e kompostu hosi Diretór DNGR, Virgilio dos Santos Soares, Xefe Departamentu Finansas no Orsamentu, Maria Manuela Pereira, Xefe Seksaun Pagamentu, Lindalva Gomes no Xefe Seksaun Tezouro, Sebastiana Viegas Soares.