Lautém, 15 Abríl 2025 -Inséndiu ne’e akontese iha tuku 11:38 OTL iha Aldeia Assalaino, Suku Fuiloro, Postu Administrativu Lospalos, Munisípiu Lautém, hafoin simu informasaun husi komunidade Aldeia Assalaino mai Kuartel Bombeiros-Lospalos nune’e ekipa Korpu Bombeiros lidera husi xefe Brigada-III Teófilho Cristóvão de Almeida, dezloka kedan ba fatin akontesimentu inséndiu hodi kombate ahi.
Tuir informasaun ne’ebé asesu husi ekipa Korpu Bombeiros Munisípiu Lautém katak, inséndiu ne’e akontese tanba kauza husi sirkuitu eletrisidade, ne’ebé rezulta uma kios (negósio) inklui sasán negósiu nian hetan estragus no motuk total maibé la rezulta ema ruma kanek ka lakon vida.
Enkuantu liu husi observasaun APC, uma ne’ebé ahi-han pertense ba kategória uma kios ou negósiu nian, nune’e tuir matadalan Lei Baze Protesaun Sivíl liga ba apoia publiku dekretu lei nu.7/2021 katak só uma hela pemanente mak bele hetan apoia rekopersaun.
Ildefonso Soares, Média APC Lautém