Ermera, 25 Abril 2025 – Autoridade Protesaun Sivíl (APC) Munisípiu Ermera, liu husi funsionariu APC hamutuk 34 kompostu husi feto nain 16 no Mane nain 18 termina ona formasaun durante loron 3, hahú husi loron 23 to’ o 25 fulan Abril tinan 2025, iha Salaun Autoridade Munisipal Ermera.
Objetivu husi formasaun ne’e ko’alia liu kona-bá ‘Sensivel ba Jeneru ba aproximasaun bazeia ba direitu humanu iha ambitu mudansa klimatika no redusaun risku dezastre iha Timor- Leste’’
Xefe Departamentu Diresaun Nasional Prevensaun no Mitigasaun Mafalda Maria hateten formasaun ida ne’e ho objetivu atu eleva koñesimentu funsionáriu APC Munisípiu Ermera.
“ Formasaun ne’e sai hanesan pasu ne’ebé importante teb-tebes atu eleva kapasidade funsionáriu APC nian iha Munisípiu Ermera nune’e bele halo atendementu bainhira mosu dezastre afeta liu-liu kona-bá direitu umanu iha ámbitu mudansa klimátika no redusaun risku dezastre iha Timor-Leste” dehan Mafalda Maria Xefe Departamentu Diresaun Nasional Prevensaun no Mitigasaun
Iha biban ida ne’e Xefe Departamentu Diresaun Nasional Jestaun Risku Dezastre Munisípiu Ermera Sabino Amaral Fernandes hato’o agradese ba formador husi APC nasionál ne’ebé fó ona formasaun loron 3 ba funsionáriu sira.
“ Formasaun ne’e importante atu nune’e bele hasa’e koñesimentu funsionáriu sira nian nune’e bele implementa iha servisu fatin no iha komunidade iha terenu liu-liu feto ho labarik sira no mós ema ho defisiente sira ne’ebé hela iha fatin risku sira” hateten Sabino Amaral Fernandes Xefe Departamentu Diresaun Nasional Jestaun Risku Dezastre Munisípiu Ermera
formasaun ne’e organiza husi APC no hetan apoiu fundus husi Parseiru UN WOMEN.
atu nune’e hodi eleva koñesimentu funsionáriu sira nian, dala ida tan rekomenda ba funsionariu sira ne’ebé tuir ona formasaun durante loron 3 atu nune’e fahe tutan ba ita nia komunidade sira”.
Atividades durante loron 3 ne’e marka prezensa mós husi National Programme Officer women Econmic Empowering on Un Women Timo-Leste Dario Fernandes Doutel De Sousa no estrutura APC Munisípiu Ermera.
Sebastião dos Santos Media APC Ermera.