ABA HAKARAK INVESTE DNPKK IHA REZOLUSAN KONFLITU

Autoridade Protesaun Civil (APC) liuhusi Diretór Diresaun Nasionál Prevensaun Konflitu Komunitáriu (DNPKK), António Viegas simu vizita traballu ekipa American Bar Association (ABA) hosi nasaun Estadu Unidu Amérika hodi ko’alia kona-ba koperasaun servisu.

Iha sorumutu parte ABA hakarak halo koperasaun servisu hamutuk ho DNPKK atu investe iha rezolusan konflitu liuliu kazu disputa rai.

Diretór DNPKK, António Viegas hateten nia sente kontente tebes ho komitmentu ABA nian hakarak servisu hamutuk apoiu APC-DNPKK hodi haree ba asuntu disputa rai iha nível Komunitáriu.

Iha parte seluk, ABA ho DNPKK ko’alia mós atu realiza workshop liga ho asuntu disputa rai iha kontestu Timor-Leste nian.